ფინანსისტი დავით იაკობიძე საკუთარ „facebook"-გვერდზე უკრაინულ ვებგვერდზე გამოქვეყნებულ ფარულ ჩანაწერებს ეხმაურება. პორტალზე ნიკა გვარამიას და გიგა ბოკერიას მიხეილ სააკაშვილთან სატელეფონო საუბრების ჩანაწერები გამოქვეყნდა.

„არავინ უარყოფს, რომ გამოქვეყნებული დიალოგები, სააკაშვილი-გვარამია და სააკაშვილი-ბოკერია, რეალურია.

ამ დიალოგებიდან კი ვიგებთ შემდეგს:

1.უცხო ქვეყნის მოქალაქე და დიდი ოლქის გუბერნატორი, უშუალოდ ხელმძღვანელობს საქართველოში კანონსაწინააღმდეგო საქმიანობას. კერძოდ, მისდამი დაქვემდებარებულ (დაქვემდებარების ხარისხი უცნობია) გვარამიას ავალებს, შექმნას ექსტრემალური სიტუაცია სასამართლიოს კანონიერი გადაწყვეტილების აღსრულებისათვის: დაუპირისპიროს სასამართლო ხელისუფლების წარმომადგენლებს ბარიკადებით (მისი ახალი ფორმით, რკინის კონსტრუქციებით); მოახდინოს ხალხის მობილიზაცია ამ ბარიკადების დასაცავად; სამართალდამცველებს დაუპირისპირონ „ბოევიკები", რათა ორი კვირა მაინც შეუშალოს ხელი სასამართლოს გადაწყვეტილების აღსრულებას.

2.დავალების მიმღებ გვარამიას ბოლომდე არ უხსნის თავისი ჩანაფიქრის მისეულ ხედვას, სამაგიეროდ, ბოკერიას ატყობინებს, რომ საქმე უნდა მივიდეს სროლამდე. ე.ი. სისხლისღვრამდე. ამ ვერაგული სცენარის სამართლებრივი შეფასება არ შემიძლია, რადგან ჩემი პროფესიული პრაქტიკისა და ინტერესების სფეროში არ შედის, მაგრამ მიმაჩნია, რომ:

საგარეო საქმეთა მინისტრმა: 1. საწრაფოდ უნდა შეკრიბოს ჩვენს ქვეყანაში აკრედიტებული დიპლომატიური კორპუსის წარმომადგენლები და გააცნოს მათ ეს დიალოგები.

2.უკრაინის ელჩს კატეგორიულა მოსთხოვოს, პასუხი გასცეს ოდესის გუბერნატორის საქართველოს წინააღმდეგ მოქმეების ფაქტს, შეაფასოს ეს საქციელი. პრემიერ-მინისტრი ტელეფონით დაელაპარაკოს უკრაინელ კოლეგას და კატეგორიულად მოსთხოვოს ახსნა-განმარტება მისი ქვეყნის მაღალი ჩინოვნიკის ანტისახელმწიფოებრივ საქმიანობაზე საქართველოში. პრეზიდენტმა გააკეთოს საჯარო შეფასებითი განცხადება", - წერს დავით იაკობიძე.