5-საათიანი დაკითხვის შემდეგ „რუსთავი 2"-ის გენერალურმა დირექტორმა ნიკა გვარამიამ სახელმწიფო უსაფრთხოების სამსახურის შენობა დატოვა. შენობაში რჩება „ნაციონალური მოძრაობის" წევრი გიგა ბოკერია.

დაკითხვის შემდეგ გვარამიამ პირველი კომენტარი გააკეთა. თუმცა მას დაკითხვის დეტალებზე არ უსაუბრია, რადგან მისივე თქმით, საქმეს გრიფი „საიდუმლო" ადევს.

„დაკითხვის დეტალებზე ვერ ვისაუბრებ, რადგან საქმეს ადევს გრიფი. გაგვაფრთხილეს, რომ საქმეზე ვისაუბროთ ზოგადად. სააკაშვილთან საუბარში არაა ნაგულისხმევი სახელმწიფო გადატრიალება, საუბარია ტელეკომპანია „რუსთავი 2"-ის დაცვაზე, ანუ ქმედებაზე, რომელიც რეაქციულია, და მიმართულია სიტყვის თავისუფლების ბოლომდე დაცვაზე. ჩვენ სიტყვის თავისუფლებას ბოლომდე დავიცავთ", - განაცხადა გვარამიამ.