იური ვაზაგაშვილის დის მანანა ვაზაგაშვილის განცხადებით მას გიორგი ცააძის ოჯახის წევრები ემუქრებიან. როგორც ვაზაგაშვილმა აღნიშნა, 4- თვიანი პროცესის განმავლობაში, ცააძის და და მამა მასზე ზეწოლას ახორციელებდნენ.

„გიორგი ცააძის და და მამა გვემუქრებიან. რამე რომ მომივიდეს, იცოდეთ, რომ მაგათი გაკეთებულია. მთელი პროცესების მანძილზე სულ ზეწოლას ახდენდნენ ჩვენზე. თითქოს ისინი იყვნენ დაზარალებულები და ჩვენ - არა. დღევანდელ პროცესზეც გამოიწია ცააძის დამ ჩემზე და მანდატურმა გააჩერა",- განაცხადა მანანა ვაზაგაშვილმა.

თბილისის საქალაქო სასამართლოს მოსამართლემ ბადრი კოჭლამაზაშვილმა ე.წ. კორტების საქმეზე განზრახ მკვლელობის ნაწილში ბრალდებულებს,  ირაკლი ფირცხალავას და გიორგი ცააძეს  12-12 წლით თავისუფლების აღკვეთა მიუსაჯა.  

წყარო:kvira.ge