„მემარცხენე ალიანსის" ლიდერს სოსო შატბერაშვილს მომავალი პრემიერისა და შინაგან საქმეთა მინისტრობის კანდიდატურების ასაკის საწინააღმდეგო არაფერი აქვს. ამ თემაზე შატბერაშვილმა „რეპორტიორის" პრესკლუბში გამართულ ბრიფინგზე ისაუბრა.

„დასახელებული პრემიერობისა და შს მინისტრობის კანდიდატების ახალგაზრდული ასაკის წინააღმდეგები არ ვართ. ჩვენ პარტიასაც ჰყავს ძლიერი ახალგაზრდული მოძრაობა, მაგრამ როდესაც „ქართული ოცნების" ერთ-ერთი სერიოზული წარმომადგენელი აცხადებს, რომ ხელისუფლებაში მოვლენ მხოლოდ და მხოლოდ ასაკით მომწიფებული ადამიანები და ამ დროს პრემიერად 31 და შს მინისტრად 28 წლის ახალგაზრდას წარადგენ, მაშინ ასეთი განცხადება არ უნდა გაკეთდეს. ამაზე შენიშვნას ვაძლევ ყოფილ მთავარ პროკურორს", - განაცხადა შატბერაშვილმა.