„რეპორტიორის" პრესკლუბში გამართულ ბრიფინგზე, ექსპერტმა კავკასიის საკითხებში, მამუკა არეშიძემ ირაკლი ღარიბაშვილის შს მინისტრად დანიშვნა შეაფასა და აღნიშნა, რომ ეს ფაქტი მისთვის მოულოდნელი იყო.

„ახალგაზრდა შინაგან საქმეთა მინისტრის დანიშვნა ჩემთვის მოულოდნელი იყო. ეს პირველი შემთხვევაა, როდესაც მე არცკი ვიცოდი, რომ არსებობდა ასეთი პოლიციის ხელმძღვანელი. საინტერესო ფიგურაა, კაცი რომელიც ჩუმად აკეთებდა თავის საქმეს. ეს დასაფასებელი და ანგარიშგასაწევია. ამ კაცს საქმის კეთება შეუძლია და გაუკეთებია, გამოცდილების დეფიციტი წინააღმდეგობის შემცველი შეიძლება იყოს, მაგრამ ამ ეტაპზე საპრეტენზიო არაფერი გვაქვს", - ამბობს არეშიძე.