შინაგან საქმეთა სამინისტროს ოფიციალური მონაცემებით, ქვეყნის მასშტაბით დანაშაულის მაჩვენებელი 3 300 ერთეულითაა შემცირებული. რაც შეეხება დანაშაულის გახსნის მაჩვენებელს, მთელი ქვეყნის მასშტაბით 52 %-ს შეადგენს. შსს-ს მიერ გამოქვეყნებული მონაცემებით, კონკრეტულად აჭარის რეგიონში დანაშაულის გახსნის მაჩვენებელი წელს 60 %-ს შეადგენს, მაშინ, როცა გასულ წელს 16 % იყო. ოფიციალური ინფორმაციით, მკვლელობები აჭარის რეგიონში ზაფხულის სეზონში გასულ წლებშიც ხდებოდა. მათ შორის მკვლელობის უმეტესობა ბათუმშია მომხდარი. კონკრეტულად აჭარის რეგიონში არის გაუხსნელი მკვლელობებიც. კერძოდ, 2007 წელს 11 მკვლელობა მოხდა, აქედან 2 გაუხსნელია, 2008 წელს 9 მკვლელობა დაფიქსირდა, საიდანაც 4-ის გახსნა ვერ მოხერხდა, 2009 წელს 7 მკვლელობა მოხდა და 6 გაიხსნა, 2010 წელს 11 მკვლელობა, საიდანაც სამი გაუხსნელია, 2011 წელს 8 მკვლელობა დაფიქსირდა და 7 გაიხსნა, 2012 წელს კი 2 მკვლელობა და 2-ვე გახსნილია".
