საქართველოში ვიზიტით მყოფი ევროპარლამენტარები აფასებენ „რუსთავი 2"-თან დაკავშირებით სასამართლოს დღევანდელ გადაწყვეტილებას. ევროკავშირი-საქართველოს საპარლამენტო ასოცირების კომიტეტის თანათავმჯდომარე საჯად კარიმი ამბობს, რომ დემოკრატიისთვის მნიშვნელოვანია როგორც კანონის უზენაესობა, ისე გამოხატვის თავისუფლება:
„ნებისმიერი დემოკრატიისთვის მნიშვნელოვანია არა მხოლოდ კანონის უზენაესობა, არამედ გამოხატვის თავისუფლება. არ იქნებოდა სწორი ევროპარლამენტისთვის, ჩამოვიდეს საქართველოში და რაიმე კომენტარი გააკეთოს ამ საქმესთან დაკავშირებით. პროცესი გრძელდება და უნდა ვაცადოთ დასრულება. რაც შეეხება საქართველოს რეფორმების პროგრამას, მას აძლიერებს ის მხარდაჭერა, რომელსაც ევროკავშირისგან იღებს. უნდა განაგრძოთ აღებული კურსი და გააძლიეროთ დემოკრატიული ინსტიტუტები", - განაცხადა კარიმიმ.
