თბილისის საქალაქო სასამართლოს მოსამართლის ლაშა ჩხიკვაძის გადაწყვეტილებით, თბილისის მერიის ზედამხედველობის სამსახურის აპარატის უფროსის ყოფილ მოადგილეს ჯოკია ბოდოკიას 11 წლით თავისუფლების აღკვეთა მიესაჯა. 

პროკურატურა ჯოკია ბოდოკიას დიდი ოდენობით ქრთამის აღებას ედავება. ბოდოკიამ სამსახურებრივი მოვალეობიდან გამომდინარე, თანამდებობრივი ავტორიტეტის გამოყენების გზით, ერთ-ერთი შპს-ს წარმომადგენელს დახმარებას ჰპირდებოდა, რის სანაცვლოდაც თანხას სთხოვდა. მან ქრთამის სახით თანხის ნაწილი - 50 ათასი აშშ დოლარი აიღო.