თბილისის ზედამხედველობის საქალაქო სამსახურის აპარატის უფროსის მოადგილის ჯოკია ბოდოკიას ადვოკატმა დავით დეკანოიძემ ჟურნალისტებთან საუბრისას განაცხადა, რომ განაჩენს სააპელაციო სასამართლოში გაასაჩივრებენ.
მისი თქმით, იმ ქმედებებში, რასაც ჯოკია ბოდოკიას ედავებიან, არ იკვეთება ქრთამის აღების ელემენტები.
„გამოცხადებული განაჩენი მიგვაჩნია, რომ არის უკანონო, უსაფუძვლო. დასაბუთებას რა თქმა უნდა, წავიკითხავთ, მაგრამ წინასწარ ვაცხადებთ, რომ აუცილებლად გავასაჩივრებთ განაჩენს, ვინაიდან, მიგვაჩნია, რომ ქრთამის აღების ელემენტები იმ ქმედებებში არ არის, რასაც ჯოკია ბოდოკიას ედავებიან. ეს გახლავთ ზეგავლენით ვაჭრობა. არის ასეთი მუხლი სისხლის სამართლის კოდექსში, რომელიც ბევრად ნაკლებ სასჯელს ითვალისწინებს, ვიდრე ქრთამის აღება და ესეც იმ შემთხვევაში, თუ დადასტურდა დანაშაულის ნიშნები საერთოდ მის ქმედებაში~, - განაცხადა დავით დეკანოიძემ.
