„რუსთავი 2"-ის გენერალურმა დირექტორმა ნიკა გვარამიამ დაახლოებით ხუთსაათიანი დაკითხვის შემდეგ ე.წ. მოდულის შენობა დატოვა. გვარამიას განცხადებით, დაკითხვა შეეხებოდა იმ ჩანაწერს, რომელიც გამოქვეყნდა.

გვარამია ადასტურებს ჩანაწერში თემურ ჯანაშიაზე საუბრის მონაკვეთს და განმარტავს, რომ ჯანაშიას ესაუბრა პირადი დაცვის შესახებ, რომელიც შემდეგ არ აუყვანია. მისივე თქმით, თემურ ჯანაშიას მიხეილ სააკაშვილის მეშვეობით იცნობდა და სააკაშვილს ამ თემაზე სწორედ ამ მოტივით ესაუბრა.