„გაერთიანებული დემოკრატიული მოძრაობის" წევრი დიმიტრი ლორთქიფანიძე განცხადებას ავრცელებს, რომელსაც „რეპორტიორი" გთავაზობთ:

„ვეკითხები ხელისუფლებას:

სხვადასხვა დროს, შეთქმულებისა და ამბოხის, სსკ 315-ე მუხლით გათვალისწინებულ ბრალდებას ფართო გამოყენება ჰქონდა სააკაშვილის კარზე - 2006 წელს იგორ გიორგაძის მომხრეების, 2007 წელს ბადრი პატარკაციშვილისა და „ტელეიმედის", 2009 წელს „მუხროვანის ამბოხის", 2011 წელს 26 მაისის სისხლიანი ღამისა და „ყინწვისის შეთქმულების", იმავე წელს „ზილების რევოლუციის" ფორმალური საფუძვლებით, მაგრამ პასუხისგებაში მიცემული და ამ მუხლით გასამართლებული ყველა პირი 2012 წლის დეკემბერში პარლამენტის დადგენილებით ცნობილ იქნა პოლიტპატიმრად ან პოლიტდევნილად (მათი რეაბილიტაცია დღემდე არ მომხდარა, ეს სხვა საკითხია). საქმე იმაშია, რომ არც ამ უმძიმესი ბრალდების უკან მდგომ გამომძიებელ-პროკურორ-მოსამართლეთა პასუხისმგებლობა მოუთხოვნია ვინმეს სამთავრობო დონეზე, არამცთუ არ დამდგარა ასეთი პასუხისმგებლობა... მაგრამ, აქცენტს ახლა სულ სხვა რამეზე ვაკეთებ და პირდაპირ ვეკითხები ხელისუფლებას - თქვენს ხელშიც აბი გლუკოზას დანიშნულება ექნება ყბადაღებულ 315-ე მუხლს პოლიტიკური მიზანშეწონილობისთვის თუ ეთანხმებით საზოგადოებას, რომ სახეზეა საკუთარი ხალხის სისხლით გაუმაძღარ, ავხორც კრიმინალთა კარგად ორგანიზებული და წინასწარ დაგეგმილი დანაშაული?!" - განაცხადა ლორთქიფანიძემ.