ეკონომიკის მინისტრი გიორგი კვირიკაშვილი აცხადებს, რომ მიუხედავად ეკონომიკის 2%-იანი ვარდნისა, მთავრობა ბიუჯეტის შესავსებად ვალის აღებას არ აპირებს. მისი თქმით, ქვეყანაში ძირეული ცვლილებები იგეგმება, რომელიც ეკონომიკის წინსვლას შეუწყობს ხელს.
„ბიუჯეტი რომ მეტი ყოფილიყო, კარგი იქნებოდა. იმ ეკონომიკას, რომელშიც ჩვენ ვიყავით, მომავალი არ ჰქონდა. ის ეკონომიკა დანგრევისთვის იყო განწირული. ვარდნა დაწყებულია 2012 წლის ზაფხულში. იმას, რასაც ჩვენ ვაკეთებთ, აქვს გრძელვადიანი პერსპექტივა, ჩვენ ვქმნით მეწარმეობაზე დაფუძნებულ, კერძო ინიციატივაზე დაფუძნებულ ეკონომიკას და არა ბიუჯეტის დანახარჯებზე, დაძალებით გაკეთებულ, პროექტებზე დაფუძნებულ ეკონომიკას. ამ ორ ეკონომიკას შორის იმხელა უფსკრული და სხვაობაა, რომ იქიდან აქეთ გადმოსასვლელად ჩვენ რომ არ გავიარეთ სერიოზული ვარდნა, ეს მიღწევა იყო", - განმარტა კვირიკაშვილმა.
