"რუსთავი 2"-ის ადვოკატი თამთა მურადაშვილი ამბობს, რომ ვინაიდან მათ შეეზღუდათ გასაჩივრების უფლება მოსამართლე თამაზ ურთმელიძის განჩინება ტელეკომპანია "საქართველოს" მხრიდან გასაჩივრდება. ადვოკატის განმარტებით, დროებითი მმართველები ტელეკომპანიაში შესაძლოა ხვალვე მივიდნენ.

"აქ მოსამართლეს უწერია, რომ ჩვენ გვაქვს გასაჩივრების ვადა 5 დღე, რომელიც უნდა გასაჩივრდეს ისევ მასთან, ისევ ურთმელიძესთან. სავარაუდოდ, ის გაწელავს დროს და გამოიყენებს 20 დღეს. იმის გათვალისწინებით, რომ ჩვენ დირექტორებს შეეზღუდათ გასაჩივრების უფლება, გამსაჩივრებელი ვინ უნდა იყოს, ეგეც წარმოუდგენელია. წარმთეული გვაქვს დაცვის უფლებაც. შესაძლებელია ტელეკომპანია "საქართველომ" გაასაჩივროს, რადგან მათ პირდაპირ ეხებათ", - აღნიშნა მურადაშვილმა.