"ნაციონალური მოძრაობიდან" გასული მაჟორიტარების შემადგენლობით პარლამენტში კიდევ ერთი ფრაქცია იქმნება. სავარაუდოდ, ახალი ფრაქციის თავმჯდომარედ მარიკა ვერულაშვილის კანდიდატურა განიხილება, ფრაქციის შემადგენლობაში კი ერთიანდებიან დეპუტატები: გოჩა ენუქიძე, იაშა შერვაშიძე, გურამ მისაბიშვილი, გიორგი ფეიქრიშვილი და ანზორ ბოლქვაძე. გოჩა ენუქიძის განცახდებით,  26 ივლისს აღნიშნული პირების შეკრება იგეგმება, სადაც იმსჯელებენ   ყველა იმ საკითხზე, რაც ფრაქციის შექმნას უკავშირდება.  დეტალები ცნობილი უახლოეს ორ დღეში გახდება. "რაც შეეხება ფრაქციის თავმჯდომარეს, ეს თანამდებობა ექვსი დეპუტატიდან ნებისმიერმა შეიძლება დაიკავოს - მათ შორის მარიკამ! ყველაფერს ორ დღეში გადავწყვეტთ", - განაცხადა ენუქიძემ.