„ეროსი კიწმარიშვილის ახლობლებს ჩემთვის არ მოუმართავთ",- ამის შესახებ ქიბარ ხალვაში აცხადებს. ბიზნესმენის თქმით, თავის დროზე მას კიწმარიშვილთან ჰქონდა ურთიერთობა საერთო ბიზნესინტერესებიდან გამომდინარე, თუმცა, ხალვაში ამ დეტალებზე არ საუბრობს.

„მას რამდენჯერმე შევხდი. რაც შეეხება მასთან კომუნიკაციას, მიმოწერას, საჯაროდ ვერა, მაგრამ პერსონალურად თუ გნებავთ, გაგაცნობთ. ეროსი რასაც ლაპარაკობდა, ყოველთვის სიმართლე არ იყო. სიტუაციის შესაბამის ფორმას მისცემდა ხოლმე საუბარს. მასთან ვმეგობრობდი, ჩემთან შეხვედრის დროს არასოდეს პრეტენზიები არ გამოუთქვამს", - განაცხადა ხალვაშმა.