„აპირებთ თუ არა ტელეკომპანიის უფლებამოსილებაშეჩერებულ დირექტორთან და კოლექტივთან შეხვედრას, დაძაბულობის თავიდან ასაცილებლად?", - ჟურნალისტის მიერ დასმულ ამ შეკითხვას ტელეკომპანია „რუსთავი 2"-ის დროებითმა მმართველმა დავით დვალმა „რედისონში" გამართული პრესკონფერენციაზე უპასუხა:

„მზად ვარ, დავსხდეთ და ვისაუბროთ. თუ შემომიშვებთ „რუსთავი 2"-ში, თუ არა და, სადმე, ნეიტრალურ ტერიტორიაზე. მე თქვენ გიყურებთ, როგორც ჩემს მომავალ თანამშრომლებს. სადაც გინდათ, როგორც გინდათ, შევხვდეთ. ვისაუბროთ ყველა ეჭვზე, რომელიც გაგაჩნიათ და ნებისმიერ მძიმე საკითხზე", - განაცხადა დავით დვალმა.

მისივე თქმით, დროებითი მმართველები ტელეკომპანიაში ყოველგვარი დაძაბულობის გარეშე აპირებენ მისვლას. დვალს მისვლის ზუსტი დრო არ დაუსახელებია.