ტელეკომპანია „რუსთავი 2"-ის მფლობელის, გია ყარამანიშვილის განცხადებით, მას წილების დათმობის შესახებ შეთავაზება, მრავალჯერ აქვს მიღებული. ამის შესახებ ყარამანიშვილმა გადაცემა  „პოსტსკრიპტუმთან" განაცხადა.

„მრავალჯერ მიმიღია სხვადასხვა ტიპის, სხვადასხვა კონფიგურაციის შემოთავაზება, წილების დათმობის შესახებ, მაგრამ არც ერთი, ყიდვის შესახებ. ეს ხდებოდა არჩევნების მერე. თითქმის წელიწადზე მეტი ხნის განმავლობაში.

იყო რამდენიმე შეთავაზება, რომ "რუსთავი 2" გადამეცა მმართველობაში რაღაც სპეციალურად შექმნილი საბჭოსთვის, რაც სრულიად ნათელია, როგორ და რისთვის კეთდებოდა, ამაზე მე თავიდანვე უარი განვაცხადე,"- განაცხადა გია ყარამანიშვილმა.