„ბარიკადების სცენარი, რომელიც ოდესიდან დაგეგმა „რუსთავი 2"-ის დისტანციურმა მმართველმა, არ იმუშავებს", - ამის შესახებ ტელეკომპანია „რუსთავი 2"-ის დროებითმა მმართველმა დავით დვალმა „tv პირველის" ეთერში განაცხადა. მისი თქმით, ტელევიზიის დროებითი მმართველები ცდილობენ დაძაბული სიტუაციის განმუხტვას, მეორე მხარე კი საპირისპიროს აკეთებს.

„სანამ სასამართლო დავა გრძელდება, ვეცადეთ, აგვეცილებინა კოლაფსი თავიდან, რომ სიტუაცია ყოფილიყო განმუხტული. სწორედ ამიტომ შევთავაზეთ ზაალ უდუმაშვილს, ემართა ტელევიზია. თუმცა, მიუხედავად იმისა, რომ მისგან უარი მივიღეთ, ამით არაფერი არ იცვლება.

პროცესები ცირკს დაემსგავსა. არის მცდელობა, იძულებითი გზით აღვასრულოთ სასამართლოს გადაწყვეტილება, თუმცა, ხაზგასმით ვაცხადებთ, არ ვაპირებთ ძალადობის გზით მოქმედებას", - განაცხადა დვალმა.

რაც შეეხება გეგმებს, დვალის თქმით, დროებითი მმართველები შემდგომ ნაბიჯებს მას მერე გადადგამენ, რაც სასამართლო პროცესები დასრულდება.