საკონსტიტუციო სასამართლომ „რუსთავი 2"-ის პროცესი გადადო. სასამართლო პროცესი ხვალ, დილის 11:00 საათზე განახლდება.

შეგახსენებთ, რომ გამწესრიგებელი სხდომა საკონსტიტუციო სასამართლოში მთელი დღის განმავლობაში მიმდინარეობდა. მოსამართლეებმა პარლამენტის მიერ დაყენებულ სამივე შუამდგომლობაზე უარი განაცხადეს, რის შემდეგაც დაიწყო შეკითხვები მოსარჩელე და მოპასუხე მხარეებთან.

ხვალ დილიდან სხდომა იმავე პროცედურებით გაგრძელდება. საბოლოოდ კი მოსამართლეებმა უნდა მიიღონ გადაწყვეტილება, მიიღებს თუ არა საკონსტიტუციო სასამართლო წარმოებაში სამაუწყებლო კომპანია „რუსთავი 2"-ის სარჩელს, რომლის თანახმადაც, ტელეკომპანია ითხოვს, შეჩერდეს ურთმელიძის მიერ „რუსთავი 2"-ის წინააღმდეგ გამოტანილი გადაწყვეტილების ნორმა.