სტიქია რეგიონებში - გურიაში დაზიანებულია საცხოვრებელი სახლები, ხიდები და გზები. მდინარე სუფსამ ლანჩხუთის მუნიციპალიტეტის სოფელ აკეთში მიმდინარე ნაპირსამაგრი სამუშაოები და მუშათა დროებითი საცხოვრებელი დატბორა. ჩანგრეულია სოფელ გაგურთან დამაკავშირებელი ხიდი.

სტიქიამ დააზიანა ოზურგეთის მუნიციპალიტეტი - საავტომობილო გზები, საყანე ფართობები და საცხოვრებელი სახლები.

ასევე, დაბა ურეკში ძლიერმა ქარმა ექვსი ხე წააქცია, დაზიანებულია გარე განათების სადენები.

ამას გარდა, ბაღდათის რაიონში 16 ოჯახი ამ დრომდე გარე სამყაროსაა მოწყვეტილი. გზებზე მეწყერი ჩამოწვა. მოგლეჯილია ათეულობით ხე.