„მთავარი პროკურორის შეცვლა, ბუნებრივია, საქმეს ვერ გაამარტივებს. ვფიქრობ, ირაკლი ღარიბაშვილი პრემიერის რანგში ახალ მთავარ პროკურორთან უფრო შეხმატკბილებულად ითანამშრომლებს", - ამ განცხადებას საპარლამენტო უმრავლესობის წევრი დავით ბერძენიშვილი გაზეთ „ვერსიასთან" აკეთებს.

„ზოგადად, პროკურატურაში უამრავი პრობლემა დაგროვდა. არ დაგვავიწყდეს, რომ ბოლო წლებში ქვეყანას შევარდნაძისა და სააკაშვილის გუნდი ერთობლივად მართავდა. მიხეილ სააკაშვილი შევარდნაძის ფავორიტი 6 წლის განმავლობაში იყო. უბრალოდ, შევარდნაძის ერთმა ფრთამ მეორე დაამარცხა და ხელისუფლებაში მოვიდა", - განაცხადა ბერძენიშვილმა.