ბრიუსელის გარეუბანში, მოლენბეკის რაიონში ჩატარებული სპეცოპერაციის შედეგად, ერთ-ერთი სავარაუდო თავდამსხმელი სალაჰ აბდესლამი ჯერ არ დაუკავებიათ. ინფორმაცია, რომელიც მედიაში გავრცელდა დაკავების თაობაზე, ბელგიის პროკურატურამ უარყო.
სამართალდამცველებმა ბელგიის საზოგადოებრივ მაუწყებელ RTBF-სთან საუბარში განაცხადეს, რომ პოლიციამ სხვა პირი დააკავა, რომლის ვინაობაც ჯერჯერობით უცნობია.
შეგახსენებთ, საფრანგეთმა და ბელგიამ ბრიუსელში დაბადებულ 26 წლის სალაჰ აბდესლამზე ძებნა გამოაცხადეს. სავარაუდოდ, ის ერთ-ერთი ტერორისტის ძმა არის, რომელმაც 13 ნოემბერს პარიზში თავი აიფეთქა. პოლიცია აფრთხილებს მოსახლეობას, რომ ეჭვმიტანილი შეიარაღებული და საზოგადოებისთვის საშიშია.
ბელგიელი სამართალდამცველები სპეცოპერაციას მოლენბეკში ბოლო რამდენიმე საათია ატარებენ.
