საქალაქო სასამართლოში სერგო თეთრაძის მკვლელობის საქმეზე ბაჩო ახალაიას და მასთან ერთად ბრალდებულების სასამართლო სხდომა მიმდინარეობს. პროცესს ბაჩო ახალაიაც ესწრება. სასამართლო სხდომაზე ახალაიას ადვოკატებმა დააყენეს შუამდგომლობა, რომ საქმეს დაერთოს ევროსაბჭოს რეზოლუცია, რომლის მიხედვითაც, ახალაიასთვის წინასწარი პატიმრობა ამ საქმეზე უკანონოდ არის შეფასებული.

ამას გარდა, ახალაიას ადვოკატი ამ საქმეზე თავდაცვის ყოფილი მინისტრის ირაკლი ალასანიას დაკითხვას ითხოვს. როგორც მალხაზ ველიჯანაშვილმა განაცხადა, თეთრაძის მეუღლემ დაკითხვისას აღნიშნა, რომ ალასანიას შეხვდა. ადვოკატის თქმით, ირაკლი ალასანია შემხებლობაშია აღნიშნულ საქმესთან და მის დაკითხვას დაცვის მხარე ამ მოტივით ითხოვს.