ტერორისტული დაჯგუფება „ისლამური სახელმწიფო" ვიდეოს ავრცელებს და საფრანგეთს ახალ მუქარას უგზავნის. ვიდეოში ნათქვამია, თუკი არ შეწყდება სირიაში ტერორისტების პოზიციების დაბომბვა, საფრანგეთში 13 ნოემბერს მომხდარი ტერაქტების სერია მხოლოდ დასაწყისი იქნება.
ვიდეო დათარიღებული არ არის, თუმცა, სავარაუდოა, რომ ის 13 ნოემბერს მომხდარი ტერაქტების სერიის შემდეგ არის გამოქვეყნებული.
„მანამ, სანამ თქვენ გააგრძელებთ ჩვენს დაბომბვას, სიმშვიდეს ვერ ეღირსებით. თქვენ ბაზარში გასვლისაც კი შეგეშინდებათ", - ნათქვამია გავრცელებულ ვიდეოში.
ვიდეორგოლში ისმის მიმართვა მუსლიმანების მისამართითაც:
„საფრანგეთო, შენ ფიქრობდი, რომ დაბომბავდი „ისლამურ სახელმწიფოს" და მუსლიმანებს და ისინი ამის წინააღმდეგ არ გამოვიდოდნენ. მე ვულოცავ მუსლიმანებს ამ დალოცვილ თავდასხმას", - აცხადებს ტერორისტი მიმართვაში.
