სახელმწიფო უსაფრთხოების სამსახურის ინფორმაციით, ISIS-ის სახელით გავრცელებულ ვიდეო მიმართვაზე გამოძიება სახელმწიფო უსაფრთხოების სამსახურში დაწყებულია.

მათი ინფორმაციით, ამ და სხვა მსგავსი შინაარსის ვიდეობსა და საიტებზე დაწყებულია გამოძიება სახელმწიფო უსაფრთხოების სამსახურში.

არის თუ არა საქართველოს მხრიდან დამატებითი უსაფრთხოების ზომები მიღებული, სახელმწიფო უსაფრთხოების სამსახურში არ აკონკრეტებენ.

ინტერნეტში ქართველი ხალხის მიმართ ტერორისტული დაჯგუფება "ისლამური სახელმწიფოს" სახელით თითქოსდა მებრძოლების ვიდეომიმართვა გავრცელდა. ქართულ ენაზე მოსაუბრე პირები ქართველი ხალხის და საქართველოში მცხოვრები მუსლიმების მიმართ საუბრობენ. ისინი მუსლიმებს "ისლამური ხალიფატის" მხარდაჭერისკენ მოუწოდებენ, საქართველოს კი "ხალიფატის" შემოსვლით ემუქრებიან.

ვიდეო sendvid.com-ზე გამოქვეყნდა.