რუსეთის თავდაცვის სამინისტრომ კიდევ ერთხელ უარყო, რომ რუსულმა სამხედრო თვითმფრინავმა „სუ-24"-მა თურქეთის საჰაერო სივრცე დაარღვია.

„რუსული სამხედრო თვითმფრინავი „სუ-24" სირიის არაბთა რესპუბლიკის ტერიტორიაზე, თურქულმა გამანადგურებელმა „F-16"-მა მაშინ ჩამოაგდო, როცა ის „ჰმეიმიმ"-ის ბაზაზე ბრუნდებოდა", - აღნიშნულია უწყების განცხადებაში.

სააგენტო „რია ნოვოსტის" ცნობით, რუსეთში თურქეთის სამხედრო ატაშე რუსეთის თავდაცვის სამინისტროში დაიბარეს.

თურქულმა გამანადგურებლებმა „სუ-24" მას შემდეგ ჩამოაგდეს, რაც ის სირიის მხრიდან თურქეთის საჰაერო სივრცეში შეიჭრა და გაფრთხილების მიუხედავად, ფრენა გააგრძელა.