„რუსული თვითმფრინავების მიერ უკრაინის საჰაერო სივრცის დარღვევის შემთხვევაში, უკრაინის შეიარაღებული ძალები ისევე მოიქცევიან, როგორც თურქები მოიქცნენ რუსული „სუ-24"-ის მიმართ", - აღნიშნული განცხადება უკრაინის ეროვნული თავდაცვისა და უსაფრთხოების საბჭოს თავმჯდომარე ალექსანდრ ტურჩინოვმა გააკეთა. ინფორმაციას ამის შესახებ „უნიანი" ავრცელებს.

როგორც ტურჩინოვმა განმარტა, თურქი სამხედროები მოიქცნენ ისე, როგორც პროფესიონალებს შეეფერებათ და ნებისმიერი ცივილიზებული ქვეყანა ასე უნდა მოქცეულიყო, თუკი მის საჰაერო სივრცეს სხვა სახელმწიფოს თვითმფრინავები დაარღვევდნენ.