„ყველა შესაძლო მოვლენისთვის მზადყოფნა გვაქვს," - ამის შესახებ თავდაცვის მინისტრმა ირაკლი ალასანიამ შიდა ქართლში, ოკუპაციის ზოლის გასწვრივ მდებარე სოფლებში შექმნილი ვითარების კომენტირებისას განაცხადა. "აუცილებელია ღია - ვერბალური რეაგირება ოკუპაციის ხაზში მიმდინარე ძალიან ცუდ მოვლენაზე. ვიცი, რომ ადგილობრივი სამართალდამცავი სტრუქტურებიც ჩართულნი არიან პროცესში, ისინი ჩვენი გატაცებული მოქალაქეების გამოხსნის დროსაც ჩართულები იყვნენ მოლაპარაკებებში. თავდაცვის სამინისტრო, ჩვენი სადაზვერვო შესაძლებლობებით აკვირდება, თუ რა ხდება ოკუპაციის ზოლში და ოკუპაციის ტერიტორიაზე და ყველა შესაძლო მოვლენისთვის ჩვენ  მზადყოფნა გვაქვს", - განაცხადა ალასანიამ.