მთავარი პროკურორი ირაკლი შოთაძე არ აკონკრეტებს, გადაკვალიფიცირდება თუ არა ზურაბ ჟვანიას საქმე. მისი თქმით, გამოძიების ინტერესებიდან გამომდინარე, თავს შეიკავებს დამატებითი განმარტებებისგან.
„ყველაფერს გაიგებთ, რაც არ უნდა მოხდეს. პროკურატურა იქნება სრულიად ღია და გამჭვირვალე, მათ შორის, თითოეული თქვენგანისთვის. შესაბამისად, არაფერი არ დაიმალება", - განაცხადა ირაკლი შოთაძემ.
შოთაძის თქმით, მას პირობა აქვს დადებული პარლამენტში და საპროკურორო საბჭოში, რომ რეზონანსული საქმეები, რომელთა გამოძიების მოთხოვნილება განსაკუთრებით აქტუალურია საზოგადოებაში, ბოლომდე იქნება მიყვანილი.
„პირობა დავდე პარლამენტშიც, საპროკურორო საბჭოშიც, რომ რეზონანსული საქმეები, რომელთა გამოძიების მოთხოვნილება განსაკუთრებით აქტუალურია საზოგადოებაში, რა თქმა უნდა, გამოძიებული იქნება. ამ მიმართულებით მიმდინარეობს შესაბამისი საგამოძიებო მოქმედებები, რაც აუცილებლად გაგრძელდება და ბოლომდე იქნება მიყვანილი", - განაცხადა ირაკლი შოთაძემ.
