„ისტორიას დარჩება!" - ამ სახელწოდებით ფონდი „ავტოგრაფი", ქართველი მუსიკოსის - ირაკლი ჩარკვიანისადმი მიძღვნილ კონცერტს წარმოადგენს. ღონისძიება 15 დეკემბერს ფილარმონიის დიდ საკონცერტო დარბაზში გაიმართება.

ორგანიზატორებმა მოიფიქრეს მუსიკოსის ვირტუალური 3D გამოსახულების მომზადება, რისი საშუალებითაც ის მაყურებლის წინაშე „წარდგება". ირაკლი ჩარკვიანის ჰოლოგრამის საშუალებით, მაყურებელს სცენაზე მისი „ნახვა" და მისი შესრულებული სიმღერის მოსმენა შეეძლება.

ღონისძიება 20 საათზე დაიწყება.

პროექტის მხარდამჭერები არიან: კულტურის სამინისტრო, თბილისის მერია და საკრებულო.