ზურაბ ადეიშვილს დაუსწრებლად პატიმრობა შეუფარდეს. საუბარია აკურის ღვინის ქარხნის იძულებით ჩამორთმევის საქმეზე, რაზეც ადეიშვილს ბრალი ცოტა ხნის წინ წაუყენეს.

ყოფილ გენერალურ პროკურორსა და იუსტიციის ყოფილ მინისტრს სამსახურებრივი უფლებამოსილების გადამეტებაში ადანაშაულებენ.

ამავე საქმეში ფუგურირებს ვანო მერაბიშვილიც, რომლის სასამართლო პროცესი 12 იანვარს გაიმართება.

გამოძიების ინფორმაციით, დანაშაული 2004 წელს მოხდა, რა დროსაც, წინასწარ შეთანხმებული სქემის მიხედვით, თეიმურაზ მეგრელიშვილსა და ნოდარ მოდებაძეს თელავის რაიონში მდებარე ქარხანა იძულებით ჩამოართვეს.