საპარლამენტო უმრავლესობის წევრი ზაქარია ქუცნაშვილი საქართველოს ექს-პრეზიდენტ მიხეილ სააკაშვილის სასამართლო პროცესზე საუბრობს, სადაც სააკაშვილი ვალერი გელაშვილზე ძალადობრივი თავდასხმის საქმეზეა ბრალდებული და საზოგადოებას ამ საქმით დაინტერესებისკენ მოუწოდებს. ამის შესახებ ქუცნაშვილმა „რეპორტიორის" პრესკლუბში საუბრისას განაცხადა და აქვე დასძინა, რომ სააკაშვილის სასამართლო პროცესი ხვალ, 8 დეკებერს, გაიმართება.
„ხვალ შედგება ბრალდებულ სააკაშვილის მორიგი სასამართლო პროცესი, სადაც განხილული იქნება ვალერი გელაშვილზე ძალადობრივი თავდასხმის საქმე. შესაბამისად, მოვუწოდებ დაინტერესებულ საზოგადოებას, მედიას, რომ გააშუქოს ამჯერად უკვე განსასჯელ სააკაშვილის სისხლის სამართლის საქმე, რათა საზოგადოება თავად დარწმუნდეს, რა დანაშაულებრივი წარსულითაა დამძიმებული ეს პიროვნება", - განაცხადა ქუცნაშვილმა.
