„რუსეთიც და თურქეთიც ერთმანეთს საკმარისზე უკეთ იცნობენ და იციან, რომ შეუძლიათ, ერთმანეთს სასიკვდილო ჭრილობები მიაყენონ", - ამის შესახებ პოლიტოლოგი ზაალ კასრელიშვილი აცხადებს. „ასავალ-დასავალთან" ინტერვიუში პოლიტოლოგი ამბობს, რომ ორ ქვეყანას შორის პირდაპირი ომი არ იქნება. „მაგრამ რუსეთისა და თურქეთის სპეცსამსახურებს შორის უკვე დაწყებულია გააფთრებული ბრძოლა არა ერთმანეთის დასასუსტებლად, არამედ გასანადგურებლად", - განაცხადა კასრელიშვილმა.

მისი თქმით, ამ ომში გამარჯვება დარჩება მას, ვინც დაიპყრობს მთავარ სტრატეგიულ სიმაღლეს - კავკასიას. „აი, სწორედ ამიტომ ეფერება რუსეთი აზერბაიჯანს და ამიტომ ააფრიალეს რუსებმა გენშტაბში ერთიანი საქართველოს რუკა. ამ სტრატეგიულ სიმაღლეს დაიკავებს ის, ვის მხარესაც საქართველო დადგება!" - განაცხადა კასრელიშვილმა.

წყარო: გაზეთი „ასავალ-დასავალი"

(მოამზადა ალა გრიგალაშვილმა)