შეწყალების კომისიის თავმჯდომარე ზვიად ქორიძე ამჟამად პროკურატურაში იმყოფება. ალექსანდრე ელისაშვილის დაკითხვის შემდეგ ამჯერად შეწყალების კომისიის თავმჯდომარეს მოუწევს პასუხის გაცემა კითხვაზე, ახდენენ თუ არა მაღალჩინოსნები პატიმრების შეწყალების მიზნით კომისიაზე ზეწოლას.
ზეგავლენით ვაჭრობა: სწორედ ამ მუხლით მიმდინარეობს გამოძიება საქმეზე, რომელიც საკრებულოს დამოუკიდებელი დეპუტატის სკანდალური ბრალდებების შემდეგ აღიძრა.
შეწყალების კომისიის ყოფილი თავმჯდომარე საჯაროდ არ ასახელებს იმ პირთა გვარებს, რომლებიც, როგორც თავად ამტკიცებს, კორუფციულ გარიგებებს ცდილობდნენ. პარალელურად დამოუკიდებელი დეპუტატი კიდევ ერთი გამოძიების დაწყებას ითხოვს: ელისაშვილი ყოფილ მთავარ პროკურორს და მოქმედი მთავარი პროკურორის მოადგილეს გულგრილობაში ადანაშაულებს.
