37 ადამიანი დაიღუპა და 35 დაშავდა ავღანეთში, ქალაქ ყანდაღარის აეროპორტზე მომხდარი თავდასხმის შედეგად. ტერაქტი მოძრაობა "თალიბანის" ერთ-ერთმა ფრთამ მოაწყო.

დაღუპულთა შორის ქალები და ბავშვები არიან. გავრცელებული ინფორმაციით, აეროპორტის მიმდებარე ტერიტორიაზე ავღანეთის არმიისა და ნატო-ს ერთობლივი ბაზა მდებარეობს.

თავდაპირველად თვითმკვლელმა ტერორისტმა აეროპორტის ახლოს მდებარე სასტუმროსთან თავი აიფეთქა, მოგვიანებით კი თალიბები სკოლის შენობაშიც შეიჭრნენ. ორმხრივი სროლის შედეგად 4 ჯარისკაცი დაიღუპა.

რამდენიმესაათიანი შეიარაღებული დაპირისპირების შემდეგ ავღანეთის უსაფრთხოების ძალებმა "თალიბანის" წევრები გაანადგურეს.