ხვალ, „ქართველ-სომეხთა კავშირი" საქველმოქმედო აქციის ფარგლებში, ნინოწმინდის ობოლ და მზრუნველობამოკლებულ ბავშვთა პანსიონატისთვის საჩუქრების ჩატანას გეგმავს.

არასამთავრობო ორგანიზაცია აღნიშნულ აქციას, 2016 წლის დადგომასთან დაკავშირებით მართავს. აქციის ფარგლებში, „ქართველ-სომეხთა კავშირი" გეგმავს, ობოლ და მზრუნველობამოკლებულ ბავშვთა პანსიონატს საჩუქრად  საკვები პროდუქტები და საყოფაცხოვრებო ტექნიკა ჩაუტანოს.

აღნიშნულ ღონისძიებაში მონაწილეობის მიღების მსურველებს შეუძლიათ ორგანიზაციის ოფისში (ქ.თბილისი, ქ.წამებულის # 25) 12:00-დან 17:00 საათამდე არამალფუჭებადი საკვები პროდუქტები მოიტანონ.

თანადგომისა და მხარდაჭერისათვის „ქართველ-სომეხთა კავშირის" წარმომადგენლები წინასწარ გიხდით მადლობას!