„BBC"-ის მიერ გავრცელებული ინფორმაციით, ინტერპოლმა რუსეთის მოქალაქე ანატოლი ზემლიანკაზე ძებნა გამოაცხადა.

ინტერპოლის ვებგვერდზე გამოქვეყნებული ინფორმაციის თანახმად, რუსეთის ხელისუფლება ეჭვობს, რომ ანატოლი ზემლიანკა უკანონო შეიარაღებული ფორმირების წევრია.

რუსული მხარის ცნობით, ანატოლი ზემლიანკა „ისლამურ სახელმწიფოს" წარმოადგენს. ცოტა ხნის წინ გავრცელდა ვიდეორგოლი, სადაც მან სიკვდილით დასაჯა რუსეთის მოქალაქე, ეთნიკური ჩეჩენი მაგომედ ხასიევი, რომელიც „ისლამურმა სახელმწიფომ" რუსეთის სასარგებლოდ ჯაშუშობაში დაადანაშაულა.

რუსული მხარის განმარტებით, 28 წლის ანატოლი ზემლიანკა ტიუმენის ოლქის ქალაქ ნოიაბრსკის მკვიდრია.