თბილისის მოყვარულ სტუდენტურ თეატრთა საერთაშორისო ფესტივალი „ნიღაბი 2015" დასრულდა. მასში მონაწილეობა 10 უნივერსიტეტის თეატრალურმა დასმა მიიღო. ფესტივალის საზეიმო დახურვა „გარდენ ჰოლში" გაიმართა. გამარჯვებულები 10 ნომინაციაში 7-კაციანმა კომპეტენტურმა ჟიურიმ გამოავლინა. გამარჯვებულ მოყვარულ მსახიობებს ფესტივალის სპეციალური ჯილდო და სხვადასხვა პრიზები გადაეცათ.
3 გამარჯვებული დააჯილდოვა ელექტრონული წიგნების ქსელმა „საბამ".
„ჩვენ დავაწესეთ პრიზი ფესტივალის 3 მონაწილესთვის, რომლებმაც სხვადასხვა ნომინაციაში მოიპოვეს გამარჯვება. ესაა ელექტრონული ბიბლიოთეკა, რომელშიც არის 100 ქართულენოვანი წიგნი. სტუდენტებს საშუალება ექნებათ, სადაც წავლენ, თან ჰქონდეთ ელექტრონული წიგნები", - განაცხადა ელექტრონული წიგნების ქსელ „საბას" ხელმძღვანელმა მაია ძირკველიშვილმა.
