ვინ იქნება მმართველი კოალიციის საარჩევნო სიის პირველი ნომერი - ამ საკითხთან დაკავშირებით ექსპერტი მამუკა არეშიძე „ალიას" ესაუბრა. მისი თქმით, არ არის გამორიცხული სიის სათავეში ვიცე-პრემიერი კახა კალაძე ვიხილოთ.

„ამ ეტაპზე საუბარია, რომ სიის პირველი ნომერი იყოს ირაკლი ღარიბაშვილი, მაგრამ ეს არ არის საბოლოო ვარინტი. არ არის გამორიცხული, რომ კახა კალაძის პერსონა გააქტიურდეს და კვლავ ის იყოს სიის პირველი ნომერი. მოკლედ, გააჩნია, როგორ გადანაწილდება აღმასრულებელ ხელისუფლებაში თანამდებობები", - ამბობს ექსპერტი.

მისი თქმით, ამ საკითხზე მსჯელობა პოლიტსაბჭოს რამდენიმე წევრს შორის მიმდინარეობს, თუმცა, საბოლოო გადაწყვეტილებას ბიძინა ივანიშვილი მიიღებს.

წყარო: გაზეთი „ალია"

(მოამზადა ალა გრიგალაშვილმა)