ხვალ „დინამო არენაზე" ერთმანეთს ვეტერანი ფეხბურთელები და აღმასრულებელი და საკანონმდებლო ხელისუფლების წარმომადგენლებისგან დაკომპლექტებული გუნდი დაუპირისპირდებიან.

მატჩი საქართველოს ფეხბურთის ფედერაციის 25 წლის იუბილესადმი მიძღვნილი კვირეულის ფარგლებში ჩატარდება და მასზე დასწრება თავისუფალია.

ვეტერან ფეხბურთელთა გუნდის ძირითადი შემადგენლობა თბილისის „დინამოსა" და ფოთის „კოლხეთის" იმ მოთამაშეებით დაკომპლექტდება, რომლებმაც 1990 წლის 30 მარტს ეროვნული ჩემპიონატის პირველ შეხვედრაში მიიღეს მონაწილეობა.