ჩაქვში ორსართულიან კორპუსში გაჩენილი ხანძრის შედეგად ხუთი ბინა დაიწვა.

დაზარალებულები ვარაუდობენ, რომ ცეცხლი გაუმართავი ელექტროსადენებიდან გაჩნდა. ძლიერი ხანძრის შედეგად ხუთ ოჯახს საყოფაცხოვრებო ნივთები, ავეჯი და ტექნიკა გაუნადგურდა.

"ექვსი სახანძრო-სამაშველო ავტოცისტერნა და 40 მაშველი მუშაობდა შემთხვევის ადგილზე. საბედნიეროდ არ გვაქვს ადამიანური მსხვერპლი. სავარაუდოდ, სხვენში განვითარდა ხანძარი. დეტალებს გამოძიება დაადგენს", - აღნიშნა შსს-ს საგანგებო სიტუაციების მართვის სააგენტოს აჭარის მთავარი სამმართველოს უფროსის მოადგილემ მამუკა თურმანიძემ.