საპარლამენტო უმრავლესობის წევრ გიორგი ვოლსკის ინფორმაციით, მანანა კობახიძე და ეკა ბესელია დაიკითხნენ. ინფორმაცია მანანა კობახიძემ დაადასტურა. პარლამენტის ვიცე-სპიკერის განცხადებით, ის თავად დაუკავშირდა ირაკლი შოთაძეს და  მოითხოვა, ამ საქმეზე დაკითხულიყო მოწმის სტატუსით, რათა დეტალური ინფორმაცია მიეწოდებინა გამოძიებისთვის. ეკა ბესელია კი აცხადებს, რომ დეტალებზე ჯერჯერობით არ ისაუბრებს:

„არ ვაპირებ დამატებით დეტალებზე საუბარს იქამდე, ვიდრე პროკურატურა ამ საქმეზე არ დაასრულებს მოკვლევას. ჩვენ მაქსიმალურად ვუწყობთ ხელს პროცესს, რომ სრულიად ობიექტურად, მიუკერძოებლად იქნას მოკვლეული ყველა ფაქტი.

იმ ადამიანს ჰკითხეთ, ფაქტი დაასახელოს, რაიმე დამადასტურებელი დოკუმენტი წარმოადგინოს!" - განაცხადა ეკა ბესელიამ.