„ძალიან მძიმე ფონია, არანორმალური სიღატაკეა, შემოსავლები არ არის, არ არის გამორიცხული, რომ ხელჩაქნეულმა ადამიანებმა წუთიერი სარგებლის მიღების გამო, ხმა ლეონიდ ჩერნოვეცკის მისცენ", - ამის შესახებ კიევის ყოფილ მერზე საუბრისას დემურ გიორხელიძე აცხადებს. ანალიტიკოსის თქმით, მისთვის წარმოუდგენელია, როგორ შეიძლება გაზარდოს პენსია 500 ლარამდე კიევის ყოფილმა მერმა.

„შეიძლება, მას ჯადოსნური ჯოხი აქვს, რომ პენსია 500 ლარამდე გაზარდოს... რეალურად საჭიროა ეკონომიკის მძლავრი მოდერნიზაცია, მაგრამ ტოტალური უმუშევრობის პირობებში, 16-მილიარდიანი ეკონომიკის ფარგლებში, ასეთი დატვირთვები უბრალოდ შეუძლებელია 2016-2017 წელს. მაგრამ თუ სწორად იმუშავებს ხელისუფლება, რა თქმა უნდა ამის შანსი არის", - განაცხადა გიორხელიძემ.

წყარო: გაზეთი „კვირის ქრონიკა"

(მოამზადა ალა გრიგალაშვილმა)