მთავარი პროკურორის ირაკლი შოთაძემ სასტუმრო „ქორთიარდ მარიოტში", სადაც ევროკავშირის პროექტის „სისხლის სამართლის რეფორმის მხარდაჭერა საქართველოში" შემაჯამებელი ღონისძიება გაიმართა, ჟურნალისტებს განუცხადა, რომ ევროკავშირი ერთ-ერთი უმნიშვნელოვანესი პარტნიორია, რომელიც პროკურატურას ხელს უწყობს რეფორმირებაში.
„ევროკავშირი არის არა მხოლოდ ჩვენი ქვეყნის, არამედ უშუალოდ პროკურატურის ერთ-ერთი უმნიშვნელოვანესი პარტნიორი, რომელიც ხელს უწყობს ჩვენს უწყებას რეფორმირებაში საკუთარი პროექტის ფარგლებში „სისხლის სამართლის რეფორმის მხარდაჭერა საქართველოში", რომელიც დღეს იხურება", - განაცხადა ირაკლი შოთაძემ.
მისი თქმით, რეფორმის ფარგლებში ძალიან მნიშვნელოვანი ღონისძიებები გატარდა, რამაც ხელი შეუწყო არასრულწლოვნების კოდექსთან მიმართებაში, ასევე პატიმრობისა და დაკავების ევროპულ სტანდარტებთან დაკავშირებით პროკურორების გადამზადებას და სპეციალიზაციას.
