ე.წ. შეწყალების საქმეზე დაწყებული გამოძიების ფარგლებში პრეზიდენტის ადმინისტრაციის ყოფილი უფროსი ლაშა აბაშიძე დაიკითხა. ინფორმაცია ჟურნალისტებს შეწყალების კომისიის ყოფილმა თავმჯდომარე ალეკო ელისაშვილმა მიაწოდა. ელისაშვილის განმარტებით, ასევე დაიკითხა პრეზიდენტის ადმინისტრაციის თანამშრომელი, რომელმაც სამართალდამცავები საქმის კურსში ჩააყენა.

„მაქვს დადასტურებული ინფორმაცია, რომ დაკითხულია პრეზიდენტის ადმინისტრაციის ყოფილი ხელმძღვანელი და ამჟამად ვიცე მერი. ასევე დაკითხულია პრეზიდენტის ადმინისტრაციის თანამშრომელი, რომელმაც სამართალდამცველები ჩააყენა საქმის კურსში. გარდა ამისა - რამდენიმე მსჯავრდებული, მათი ახლობლები, ანუ ინტენსიური პროცესი მიდის", - განაცხადა ელისაშვილმა.