საპარლამენტო უმრავლესობის წევრი ლევან ბერძენიშვილი პრეზიდენტის დაკითხვაზე დაბარების შესაძლებლობას არ გამორიცხავს და ამბობს, რომ რაღაც ისე არ არის, როგორც უნდა იყოს, ამიტომ საჭიროა, პროკურატურამ ყველაფერი ბოლომდე გამოიძიოს:

„პრეზიდენტიც ჩვეულებრივი მოქალაქეა, თუ მიიჩნევენ საჭიროდ, დაიბარებენ და დაჰკითხავენ. არ მგონია, საქართველოს პრეზიდენტმა რაიმე არ დაადასტუროს. რაც შეეხება მესიჯების გაქრობას ტელეფონიდან, საინტერესო განვითარებაა. ნელ-ნელა ძველი იტალიური კინოების სფეროში გადავდივართ, როგორც არის „პროკურორის აღსარება ხალხის წინაშე". როგორც ჩანს, რაღაც არ არის ისე, როგორც საჭიროა. იმედი მაქვს, პროკურატურა ბოლომდე გაერკვევა", - განაცხადა ბერძენიშვილმა.