ანალიტიკოსი სიმონ კილაძე უკრაინაში ბოლო დროს არსებული დაპირისპირების შესახებ წერს.  

მიხეილ სააკაშვილი და არსენ ავაქოვი ერთმანეთს იმაზე აუხირდნენ, თუ ვინ უფრო მეტადაა უკრაინელი. ყველამ ვიცით, რომ უკრაინელი არცერთი არ არის - მიხეილ სააკაშვილი ქართველია (თუმცა, ამბობენ, მისი გვარის დაბოლოება სხვანაირი არისო!), ხოლო არსენ ავაქოვი - სომეხი.

აშკარაა, რომ მიხეილ სააკაშვილის ქართულ რაზმში შტრეიკბრეხერი გამოჩნდა: ჯანდაცვის მინისტრმა ალექსანდრე კვიტაშვილმა (მან თავისი განცხადება გადადგომის შესახებ, რომელიც მიშას კარნახით დაწერა, არსენ იაცენიუკის რჩევით, უკან წაიღო და თანამდებობას დღესაც ინარჩუნებს და შესაბამისად, ახლა მხარს პრემიერ-მინისტრს უჭერს. „უკრაინის მთავრობაში რომ ისეთი დონის კორუფცია იყოს, [როგორსაც მიხეილ საკაშვილი ამბობს], მე იმ მთავრობაში არ ვიმუშავებდი", - განაცხადა კვიტაშვილმა და ორივე დაპირისპირებულ მხარეს კონფლიქტის შეწყვეტისა და ერთთიანობისაკენ მოუწოდა (http://interfax.com.ua/news/political/311540.html)

რაც შეეხება ეკა ზღულაძეს, რომელიც არსენ ავაქოვის მოადგილეა, თავისი პოზიცია ჯერ არ დაუფიქსირებია. შეიძლება ითქვას, იგი ორ ცეცხლს შუაა - არც მიხოს წყენინება უნდა და მით უმეტეს, არც თავისი უშუალო ბოსის - არსენ ავაქოვისა. ასეა თუ ისე, მას მაინც მოუწევს თავისი პოზიციიის საჯაროდ გამჟღავნება.(http://ria.ru/world/20151216/1343115564.html)

გია გეწაძე (უკრაინის იუსტიციის მინისტრის მოადგილე) მიხოს მხარეზეა. იგი აცხადებს, რომ რცხვენია ისეთ მთავრობაში მუშაობა, სადაც არსენ ავაქოვი მინისტრია. „მაგრამ რადგანაც მე არსად არ მივდივარ, ამიტომ არსენი უნდა წავიდეს - მან განცხადება უნდა დაწეროს გადადგომაზე" (http://uapress.info/ru/news/show/109945)

დავით საყვარელიძეც (უკრაინის გენპროკურორის მოადგილე), ბუნებრივია, მიხეილ სააკაშვილის მხარდამჭერია. მისი თქმით, არსენ იაცენიუკი ნამდვილად ხაზინის მძარცველი და კორუფციონერია (http://infokava.com/32995-david-sakvarelidze-yacenyuk-kazno)