მარჯვენასაჭიანი ავტომობილების რეგისტრაციის აკრძალვის ინიციატივას უსამართლოდ არ მიიჩნევს გედევან ფოფხაძე. პარლამენტარის თქმით, უსაფრთხოების თვალსაზრისით, მარჯვენასაჭიანი მანქანების სიმრავლე კარგი არ არის.
„თუმცა არის მეორე - უფლებრივი მხარე - ეს არის საკუთრების უფლება, ქვეყანაში არსებული სოციალური ფონი და ადამიანები მანქანაში 500 დოლარით მეტს გადაიხდიან თუ ნაკლებს, ეს ხალხისთვის სულ ერთი არ არის. როდესაც პროექტის განხილვა იქნება და გავიცნობ, მერე ჩამოვაყალიბებ ჩემს პოზიციას. ჯერ არ მინდა, რომ კატეგორიული მოსაზრებები გამოვთქვა. ამ ორ ფაქტორს შორის ბალანსი უნდა გამოინახოს. არ მინდა, არც საჯარო ინტერესი დაზარალდეს და არც იმ ადამიანების ინტერესი, რომლებსაც მარჯვენასაჭიანი მანქანები ჰყავთ. მეტსაც გეტყვით, ვისაც ასეთი ავტომანქანების შეძენა-გაფორმების პროცესი აქვთ დაწყებული, უნდა მივცეთ ამ პროცესის დასრულების საშუალება", - განაცხადა ფოფხაძემ.
წყარო: გაზეთი „ალია"
(მოამზადა ალა გრიგალაშვილმა)
