შრომის, ჯანმრთელობისა და სოციალური დაცვის მინისტრი დავით სერგეენკო სოფელ წითელუბანში ჩავიდა და ექიმებთან ერთად, მოსახლეობის სამედიცინო გამოკვლევებში პირადად მიიღო მონაწილეობა.

მინისტრი მოსახლეობასაც შეხვდა და მათ პრობლემებს გაეცნო. ყველა მოქალაქეს, რომლებმაც მონაწილეობა მიიღეს სამედიცინო აქციაში, მათთვის საჭირო მედიკამენტები უფასოდ დაურიგდათ. ჯანდაცვის სამინისტროს, საგანგებოს სიტუაციების დეპარტამენტის მიერ ორგანიზებული უფასო სამედიცინო აქცია, სისტემატიური ხასიათისაა და მთელ საქართველოს მოიცავს.