„პატრიოტთა ალიანსის" გენერალური მდივანი ირმა ინაშვილი სოციალურ ქსელში ლევან მურუსიძის სააპელაციო სასამართლოს მოსამართლედ არჩევას გამოეხმაურა.

„საზოგადოებამ უნდა იცოდეს და იცის იუსტიციის უმაღლესი საბჭოს ყველა იმ წევრის ვინაობა, რომელმაც მურუსიძეს დაუჭირა მხარი და შესაბამისად, მხარი დაუჭირა გირგვლიანის მკვლელობას. ლევან მურუსიძის არჩევით სააპელაციო სასამართლოს მოსამართლის პოსტზე, მათ ჩრდილი მიაყენეს ირინა ენუქიძის ბრძოლას და ქართველი ხალხის სწრაფვას სამართლიანობისა და თავისუფლებისაკენ. დღეიდან იუსტიციის საბჭო სრულადაა დისკრედიტებული და გაშიშვლებული. გრცხვენოდეთ და გახსოვდეთ, რომ სიმართლის წინააღმდეგ წასვლა ტრაგიკულად დასრულდება თითოეული თქვენგანის კარიერისთვის." - წერს ირმა ინაშვილი „facebook"-გვერდზე.

მოამზადა ნათია ცუხიშვილმა